上一集講到車身同埋車漆既一啲問題，包括車身淚痕、水漬、污垢，相信都解構左車主們部分常見既車身或者車漆會遇到既日常問題。系今集我哋會探討一下另外幾項車主經常遇到既車身或者車漆問題 - 車身柏油、花痕。
車身柏油係咩樣?
系香港地車主最頭痕嘅其中一件事，就係車身成日會無端端多咗一點點黑色嘅污漬，有時未必會好似相中咁嚴重，可能只系得幾點啡啡黑黑既點點黐左系車身上面，不過又點洗都洗唔甩。嗰啲其實就係「柏油」，即係馬路上面嗰啲瀝青，喺烈日之下溶咗，車轆一轆過，就會彈上你嘅車身。呢啲柏油漬黐力極強，普通洗車液同高壓水槍根本對付唔到，如果就咁用布去捽，分分鐘仲會整花啲漆，搞到越洗越衰。
車身柏油解決方法
要對付呢啲頑固嘅柏油漬，就要用專門嘅武器。來自德國嘅Koch-Chemie就推出咗一支簡稱叫Tea既東西，全名係Teerwäsche A 柏油及瀝青去除劑，係一支溶劑型嘅汽車車身專用清潔劑。呢支嘢嘅好處係，佢可以好安全但又好有效地溶解柏油同焦油呢類污染物，而且佢唔含有害嘅鹵代烴，仲攞到平治母公司戴姆勒嘅認證(Daimler Approval)，質素有一定保證。簡單講，就係一支用得放心嘅德國製汽車車身柏油清潔神器。
Koch-Chemie Teerwäsche A 柏油及瀝青去除劑
用嘅方法亦都非常簡單，完全係懶人恩物。你只需要喺車身乾淨同埋乾爽嘅情況下，將TEA直接噴喺有柏油漬嘅位置，唔使溝水稀釋，等佢反應一陣大概兩至三分鐘。呢個時候TEA入面嘅特殊配方就會開始反應，將黐實咗嘅柏油從漆面上溶出嚟、鬆開佢。最後，你只要用高壓水槍一沖，或者用濕布輕輕一抹，啲柏油漬就會成塊甩走，車身即刻乾乾淨淨。成個過程唔使死捽爛捽，慳水慳力，絕對係每個車主遇到車身柏油問題時既最佳解決方案。
車身花痕
車身花痕，可以話係每一位香港車主嘅「頭號惡夢」。無論你揸嘅係新車落地，定係十年嘅家庭車，總有一日你會發現，可能係泊街既時候有街坊送俾你，又或者係去到某地獄停車場係牆身留個紀諗。同時，亦可能係路邊嘅樹枝或者灌木叢「偷襲」，亦可能係隔離車開門時唔小心「Hi」到你。呢啲時候，如果花痕唔深，只係喺表面的透明光油層，仲有得救；但如果深到見到底漆或者金屬，就真係要搵師傅噴油喇。
車身花痕解決方法
Turtle Wax - 粗蠟
首先介紹嘅係經典美國品牌Turtle Wax龜牌嘅粗蠟。呢支粗蠟嘅特點係「一夫當關」，佢嘅磨削力比較強，專門對付車漆表面嘅中度花痕、氧化層，甚至係一啲頑固嘅水漬同污漬。用法非常簡單直接：你只要確保車身已經洗乾淨同抹乾，然後用佢附送嘅海綿或者乾淨嘅軟布，搽少少粗蠟，喺花痕位置以直線或者打圈嘅方式，先摔走事故對手所留低係你車身上既花痕。你會見到花痕慢慢變淡，甚至消失。捽完之後，用乾淨布抹走殘留物。
99工房 粗中幼去花痕液體研磨套裝
通常粗蠟未必照顧到所有花痕，同埋使用粗蠟後車漆會有啲朦或欠缺光澤。去到呢個階段, 可以用 99工房 粗中幼去花痕液體研磨套裝 去滿足三種唔同粗幼度嘅研磨。呢個套裝包含「刮痕修復用」（粗研磨）、「最終修飾用」（中研磨）、同「超級鏡面用」（幼研磨）。點解要分三支？因為將花痕磨走嘅過程，就好似用砂紙磨木頭咁，你一定要由粗到幼，逐級咁將打磨嘅痕跡變細，最後先會滑到識反光。你只需要跟住說明書，先洗乾淨車身，然後用紅色嗰支粗研磨，配合佢附送嘅專用海綿，喺花痕位置打直來回捽。當花痕消失之後，就換一支新嘅海綿，再用藍色嗰支中研磨，最後用黑色嗰支幼研磨做收尾。記住，每換一支研磨劑，都一定要換一塊新嘅海綿或者抹布，唔可以溝亂，如果唔係就會將粗嘅沙粒帶去下一步，整花個表面。做完呢三步，你嘅車漆會滑到好似玻璃咁，反光度極高，就算喺街燈下都搵唔到半條蜘蛛網紋。
最後，希望以上兩篇資訊分享能夠對各位有所幫助！